Shkup, 26 qershor – Ministria e Arsimit dhe Shkencës (MASH) sot do të promovojë një sistem të ri informacioni për menaxhim me arsimin, i cili përfshin edhe ditar të ri elektronik.
Zgjidhja e re softverike duhet t’i kalojë sfidat të cilat mësimdhënësit, administratorët, prindërit/tutorët dhe vetë nxënësit i kanë theksuar në periudhën e kaluar, sepse, siç ka informuar së fundmi MASH, të gjitha sugjerimet e tyre janë marrë parasysh në procesin e krijimit të sistemit.
Në promovim fjalim do të ketë ministrja e re e Arsimit dhe Shkencës, Vesna Janevska.
Sistemi i ri është përpunuar me mbështetje financiare nga fondet IPA të Bashkimit Evropian dhe do të aplikohet zyrtarisht gjatë vitit të ri shkollor 2024-2025, pas kalimit të periudhës së testimit në disa shkolla fillore dhe të mesme.
Pasi përfundimit të plotë të fazës së testimit, do të vijojë procesi i migrimit të të dhënave nga ditari i tanishëm në ditarin e ri elektronik, por dhe vendosja e të dhënave shtesë në soufter nga ana e shkollave. Është parashikuar të organizohen trajnime për përdorimin për të gjithë mësimdhënësit.