Punimet në Tiranë-Durrës, Rama ndan foton, tregon kur përfundon

Kryeministri Edi Rama ka postuar në rrjetet sociale disa foto nga punimet që po kryen në autostradën Tiranë-Durrës.

Ky aks rrugor prej disa muajsh i është nënshtruar rikonstruksionit dhe do të zgjerohet me korsi të reja, çka ka shkaktuar radhë të gjata për qytetarët në të dyja anët e tij.

Kreu i qeverisë bën me dije se projekti është në gjysmë të tij, çka nënkupton që trafiku në këtë aks të rëndësishëm do të vijojë dhe për disa muaj.

“Mirëmëngjes dhe nga kantieri i punës për zgjerimin e superstradës Tiranë-Durrës, Faza II, ku punimet kanë ecur me ritme shumë të mira e tashmë realizimi fizik ka arritur në masën 50%, ju uroj një ditë të mbarë”, shkruan Rama.