Reagime të Platformës së Shoqatave Civile: Qeveria t’i publikojë detajet e marrëveshjes me Mbretërinë e Bashkuar

Shkup, 23 maj – Platforma e Shoqatave Civile për Luftën Kundër Korrupsionit reagoi ndaj asaj që e quajnë mungesë transparence në procesin e negocimit të marrëveshjes midis Qeverisë së Maqedonisë dhe Qeverisë së Mbretërisë së Bashkuar në lidhje me një partneritet për zbatimin e projekteve të infrastrukturës. Kjo është marrëveshja e dytë e këtij lloji, dhe ashtu si marrëveshja me Republikën e Hungarisë, ajo po nënshkruhet pa informuar paraprakisht dhe në kohë publikun për detajet dhe kushtet që pranohen, thuhet në deklaratë. Platforma i kërkon Qeverisë që t’i bëjë publike detajet e marrëveshjeve të tilla përpara se ato të nënshkruhen, dhe jo pas nënshkrimit dhe pranimit të kushteve. Strategjia e Menaxhimit të Borxhit Publik 2025-2027 e thotë qartë se në menaxhimin e borxhit, një nga parimet është “sigurimi i transparencës në procesin e krijimit të borxhit”, rikujton Platforma në reagimin e saj.