Regjim i posaçëm i komunikacionit në një pjesë të qytetit të Shkupit për shkak të derdhjes së lumit Markova Reka

Shkup, 2 prill – Për shkak të reshjeve të dendura në territorin e qytetit të Shkupit dhe derdhjes së lumit Markova Reka nga shtrati i tij, ende është e mbyllur për qarkullim në të dy drejtimet rruga lokale f.Lisiçe e Epërme –Lisiçe e Poshtme, si dhe hyrja në f.Batincë.

Për këto arsye, Njësiti për  Siguri në Komunikacionin  Rrugor po merr masa për regjim të posaçëm qarkullimi, informuan në mëngjes nga Ministria e Punëve të Brendshme.

SPB Shkup apelon tek të gjithë qytetarët pjesëmarrës në komunikacion që të respektojnë urdhërat e dhëna nga nëpunësit  policorë.