Këngëtarja e njohur Remzie Osmani është vlerësuar me titullin “Ambasadore për Paqe” nga Federata e Paqes në Shqipëri.
Lajmin e ka bërë të ditur vetë artistja përmes një postimi, ku ka shprehur mirënjohjen e saj për këtë çmim të rëndësishëm. “U vlerësova me titullin Ambasadore për Paqe nga Federata e Paqes në Shqipëri. Faleminderit”, ka shkruar ajo.
Ky vlerësim konsiderohet një tjetër dëshmi e kontributit të saj të gjatë në art, kulturë dhe frymë bashkimi mes njerëzve. Fansat dhe ndjekësit e saj kanë reaguar menjëherë me urime të shumta për këtë arritje.
