Risi në transportin publik, tashmë mund të gjurmoni autobusët në Tiranë në kohë reale

Integrimi i GTFS-RT (General Transit Feed Specification – Real Time) në Google Maps lejon qytetarët dhe turistët të planifikojnë më mirë udhëtimet e tyre, duke pasur informacion të saktë për kohët e mbërritjes dhe lëvizjes së mjeteve në të gjitha linjat e kryeqytetit.

“Kjo risi, jo vetëm që do të përmirësojnë planifikimin e udhëtimit dhe kohët e sakta të mbërritjes së autobusëve për mijëra pasagjerë të përditshëm, por do të përdoren gjithashtu për menaxhimin e cilësisë së shërbimit, duke ndihmuar në optimizimin e operacioneve të transportit publik.”, thuhet në njoftimin e Bashkisë.

Ndërkohë shtohet se vijon puna për të sjellë teknologji dhe zgjidhje të ngjashme në qytete të tjera të vendit, me synimin për të modernizuar dhe përmirësuar shërbimet e transportit publik në nivel kombëtar.