Shkup, 13 qershor – Në Kuvend sot seancë do të mbajnë Komisioni për transport, transformim digjital, mjedis dhe planifikim hapësinor , Komisioni për sistem politik dhe marrëdhënie ndërmjet bashkësive dhe Komisioni juridiko-ligjvënës.
Në rend të ditës së Komisionit për transport, transformim digjital, mjedis dhe planifikim hapësinor është Propozim-ligji për ndryshimin dhe plotësimin e Ligjit për planifikim urbanistik, me procedurë të shkurtuar.
Para anëtarëve të Komisionit për sistem politik dhe marrëdhënie ndërmjet bashkësive është Propozim-ligji për ndryshimin dhe plotësimin e Kodit zgjedhor, me procedurë të shkurtuar.
Në rend ditë të Komisionit juridiko-ligjvënës janë Propozim-ligji për ndryshimin dhe plotësimin e Ligjit për planifikim urbanistik dhe Propozim-ligji për ndryshimin dhe plotësimin e Kodit zgjedhor, të dyja me procedurë të shkurtuar.