Sekuestrohen 66 kilogramë drogë në Mal të Zi, autoritetet: Dy personat që e zotëronin u larguan drejt Shqipërisë

Policia kufitare në Ulqin ka gjetur rreth 66 kilogramë drogë, ndërsa dy persona raportohet se janë larguar drejt Shqipërisë.

Mediat raportojnë se lënda narkotike është gjetur në zonën e fshatit Sukobin në Ulqin.

Sipas policisë, droga ishte e fshehur në dy çanta të mëdha, ndërsa u pikas nga dronet e policisë malazeze.

“Policia shqiptare është në kërkim të personave, ndërsa për ngjarjen është njoftuar edhe Prokuroria e Lartë e Shtetit në Podgoricë”, thuhet në njoftimin e Policisë së Malit të Zi.