Shkup, 12 qershor – Shtetet e Bashkuara të Amerikës dhe Franca kërkojnë që Qeveria e re në Maqedoninë e Veriut të respektojë detyrimet dhe marrëveshjet ndërkombëtare.
Në një konferencë të sotme, Shtëpia e Bardhë njoftoi një udhërrëfyes të krijuar nga presidentët e dy vendeve, Joe Biden dhe Emmanuel Macron, në takimin në Francë.
Në seksionin për temat ndërkombëtare të Uashingtonit dhe Parisit, është edhe një seksion për Ballkanin Perëndimor, në të cilin mirëpritet bashkëpunimi i vazhdueshëm i ngushtë për integrimin e rajonit, ku Maqedonia e Veriut përmendet veçanërisht në një fjali.
Ata i bëjnë thirrje qeverisë së re në Maqedoninë e Veriut që të mbetet e përqendruar në rrugën drejt BE-së dhe t’u përmbahet detyrimeve të saj ndërkombëtare, njoftoi Shtëpia e Bardhë për udhërrëfyesin franko-amerikan.
Kjo vjen pasi Maqedonia e Veriut u kritikua nga fqinjët e saj, por edhe u vërejt nga bashkësia ndërkombëtare për shkak se presidentja Gordana Siljanovska Davkova nuk e shqiptoi emrin kushtetues Maqedonia e Veriut gjatë betimit të saj në Kuvend.