Sherri në mitingun e PD-së në Elbasan, si u plagos në kokë djali i Luçiano Boçit

Djali i deputetit Luçiano Boçi ka mbetur i plagosur në kokë gjatë incidenteve në mitingun elektoral të PD në Elbasan një natë më parë.

Pas ngjarjes ai u transportua në Spitalin Rajonal të Elbasanit për mjekim.

Sipas Top Channel ai ka një çarje në kokë, por pa pasoja serioze.

Policia e Elbasanit po kryen veprimet procedurale dhe po punon për zbardhjen e ngjarjes.

Nga informacionet e deritanishme incidenti ka ndodhur për shkaqe banale mes militanteve të PD gjatë mitingut përmbyllës.