Ministrja për Evropën dhe Punët e Jashtme, Elisa Spiropali njoftoi sot nga selia e NATO-s në Bruksel, se Shqipëria është gati të mirëpresë Forumin e Korridorit VIII, i cili do të zhvillohet në Tiranë gjatë muajit shkurt 2026.
Spiropali bëri të ditur se, së bashku me zëvendëskryeministrin dhe ministrin e Jashtëm të Italisë, Antonio Tajani, është arritur dakordësia me ministrat e Jashtëm të Bullgarisë, Maqedonisë së Veriut dhe Rumanisë për organizimin e këtij forumi rajonal.
Spiropali theksoi se, për Shqipërinë, Korridori VIII mbetet një korridor historik dhe strategjik, me rëndësi politike, ekonomike, infrastrukturore, të sigurisë Euroatlantike që lidh Adriatikun me Detin e Zi, dhe e kthen Shqipërinë në një nyjë me rëndësi në rajon dhe më gjerë.