Shkup, 18 shtator – Zëvendës kryetari i Qeverisë dhe ministër për Marrëdhënie Ndërmjet Bashkësive, Ivan Stoilkoviq sot në takim ka pritur ambasadorin e Republikës së Francës, Kristof Le Rigoler.
Ambasadori i shoqëruar nga sekretari i parë, zhvilloi një takim me z. Ivan Stoilkoviq, Zëvendëskryeministër dhe Ministë për marrëdhënie ndërmjet bashkësive. Ky i fundit prezantoi sfidat dhe prioritetet e veprimit të tij në muajt në vijim. Gjatë diskutimit u shqyrtuan gjithashtu mundësitë konkrete për përforcimin e bashkëpunimit dypalësh, shkruhet në publikimin në rrjetet sociale tek ambasada e Francës, pas takimit.
Ajo që bie në sy në fotot e publikuara, Stoilkoviq në zyrën e tij mban edhe flamurin shqiptar krahas flamujve të bashkësive tjera etnike që jetojnë në vend.