Shkup, 2 janar – Kryeministri Hristijan Mickoski dje tha se pret që viti 2025 të jetë më i suksesshëm se viti 2024. Sipas tij, viti i kaluar përfundoi me rezultate më të mira se sa pritej, sa i përket planit ekonomik.
Kryeministri bën me dije se pret investime mbi një miliard euro dhe deficit buxhetor nën 4 për qind.
Mickoski njoftoi se të shtunën do të hapet rruga Stracin (Çatal) – Kriva Pallankë, ndërsa në gjysmën e dytë të këtij muaji do të hapet pjesa e autostradës Gradsko-Farish, si dhe pjesa e parë e hekurudhës për në Bullgari, Kumanovën- Beljakovce.
Sipas Mickoskit, puna në autostradat e Korridorit 8 dhe Korridorit 10 është duke u përshpejtuar.
“Rruga Gostivar-Bukojçan është në ndërtim e sipër, pres të përfundojë tenderi që do ta lidhë Bukojçanin me autostradën Kërçovë-Ohër. Puna po përshpejtohet edhe në rrugën Prilep-Manastir, pres që rrugët Tetovë-Gostivar dhe Trebenishtë- Qaf Thanë të fillojë me një trase të re, sepse ajo aktuale hyn në pjesën që mbrohet nga UNESCO”, tha Mitsoski.