Në një raport të veçantë, Organizata Botërore Meteorologjike e OKB-së i cilësoi 12 muaj e fundit si periudhën më të ngrohtë që nga fillimi i regjistrimit të të dhënave në 1940.
Vala e fundit e të nxehtit me origjinë afrikane që ka përfshirë vendin tonë pritet që ta ngrejë zhivën e termometrit këtë javë deri në 43 gradë Celcius.
Rekomandojmë hidratim me ujë kryesisht, jo me lëngje me ngjyrues dhe sheqer, të vishemi me ngjyra të hapura, të pambukta dhe lino, të shmangen lëvizjet në pikun e diellit nga ora 11 deri në orën 17. Të konsumojmë sa më shumë perime, fruta, supë, dhe shmangie të produkteve hiperkalorike dhe hiperproteinike si mishi, brumrat, ëmbëlsirat. Sa më pak ose mundësisht shmangie të kafesë, alkoolit dhe duhanit.