196
Dje janë rritur tensionet në Kuvendin e Shqipërisë, ende pa filluar seanca plenare e paralajmëruar.
Deputetja e Partisë Demokratike, Albana Vokshi, ka ndezur flakadanë në sallë, të cilët më pas i janë marrë nga Garda e Republikës.
Lidhur me këtë situatë ka folur gazetari nga Shqipëria, Martin Marku, në emisionin “Ora 7”, ku tha se pritet një protestë e re nga opozita.
Sipas tij, zhvillimet e fundit kanë irrituar edhe më shumë demokratët, ndaj është thirrur një protestë që pritet të mbahet pas dy ditësh dhe që, sipas vlerësimeve, mund të mos jetë paqësore.
“Personalisht mendoj se protesta nuk do të jetë shumë e qetë, mund të ketë agravim dhe devijim”, u shpreh Marku.