248
Shkup, 7 maj – Të enjten, më 8 maj 2025, nga ora 10:00 deri në 13:00, Komuna e Tetovës do të organizojë aktivitetin “Dita e Hapur” në sheshin “Iliria”, në bashkëpunim me shkollat e mesme të qytetit.
Gjatë këtij aktiviteti informues, do të prezantohen drejtimet dhe profilet që ofrojnë shkollat e mesme publike në Tetovë për regjistrimin e nxënësve në vitin shkollor 2025/2026.
Qëllimi i këtij organizimi është të ndihmojë nxënësit e klasës së nëntë dhe prindërit e tyre të informohen më mirë për mundësitë arsimore që ofron qyteti.