116
Presidenti i Shteteve të Bashkuara të Amerikës, Donald Trump, ka lëshuar të mërkurën një urdhër ekzekutiv duke e goditur Indinë me tarifë shtesë prej 25 për qind për blerjet e naftës ruse, raportoi të mërkurën BBC-ja.
Kjo do ta rrisë tarifën totale mbi importet indiane në Shtetet e Bashkuara në 50 për qind.
Siç thuhet në urdhrin ekzekutiv, tarifa e re do të jetë efektive në lidhje me mallrat e futura për konsum 21 ditë pas datës së këtij urdhri.
Trumpi pati paralajmëruar se do t’i rrisë taksat, duke thënë se Indisë nuk i intereson se sa njerëz në Ukrainë po vriten nga makineria ruse e luftës.