Shkup, 11 prill – Nëse planifikoni që për fundjavë apo për pushimet verore të udhëtoni drejt Greqisë, duhet të njiheni me rregullat e tyre dhe për çfarë mund të merrni gjoba të larta.
Ja disa nga to:
• Për ngasje nën ndikimin e alkoolit, mund të paguani deri në 1.200 euro.
• Teprimi i shpejtësisë deri në 20 km/h mbi kufirin në vendbanime kushton 100 euro.
• Kalimi në semafor të kuq dhe parakalimi në vijë të plotë kushtojnë 700 euro.
• Mosvendosja e rripit të sigurisë ndëshkohet me 350 euro.
• Parkimi i parregullt gjobitet nga 40 deri në 80 euro.
• Përdorimi i telefonit gjatë ngasjes kushton 100 euro.
• Nëse pini duhan në veturë ndërsa keni fëmijë nën 12 vjeç me vete, do të paguani 1.500 euro, si dhe do t’ju merret patenta e shoferit.
Për më tepër, ekziston një regjistër i shkeljeve të trafikut në BE, dhe ka gjasa të mëdha që gjoba të paguhet menjëherë sapo të hyni në një vend të BE-së, nëse shkelja është bërë brenda territorit të Bashkimit Evropian, shkruan “nikana.gr”.