Shkup, 22 maj – Në seancën e Komisionit kuvendor për shëndetësi sot duhet të mbahet vazhdimi i debatit me temën “Efektet e ndotjes së ajrit në Shkup dhe në qytete tjera mbi shëndetin e njerëzve dhe masat që ndërmerren për mbrojtjen e shëndetit publik”.
Debati filloi pardje, ndërsa vazhdimet janë paralajmëruar për nesër dhe më 26 maj. Komisioni i Shëndetësisë ftoi dëshmitarë nga organe të ndryshme shtetërore, institucione, ndërmarrje publike, institucione shkencore dhe organizata civile të japin deklarata dhe përgjigje për anëtarët e Komisionit dhe deputetët tjerë.
Drejtoresha e Institutit për Shëndet Publik Marija Andonovska në debatin e djeshëm tha se ISHP në koordinim me Ministrinë e Shëndetësisë ndërmerr masa për zbutjen dhe zvogëlimin e pasojave shëndetësore nga ndotja e ajrit.
Andonovska tha se Instituti bashkëpunon me autoritetet lokale për krijimin e politikave, me qëllim uljen e emisioneve të materieve ndotëse dhe sqaroi se qytetarët edukohen dhe informohen përmes ueb faqes për nivelin e ndotjes.