Beograd, 19 mars – Sot, zëvendësministri i Shëndetësisë, z. Jovica Andovski, dhe ministri i Punëve të Jashtme, z. Timço Mucunski, vizituan Qendrën Ushtarake Mjekësore (QUM) dhe Qendrën Klinike në Beograd.
Gjatë vizitës, ata u takuan me drejtorët dhe ekipet mjekësore, duke u njohur nga afër me gjendjen shëndetësore të pacientëve dhe kushtet në të cilat po trajtohen.
🔹 Në QUM janë të shtruar 10 pacientë, nga të cilët 6 ndodhen në repartin e kujdesit intensiv, ndërsa 4 në repartin e kirurgjisë plastike.
🔹 Në Qendrën Klinike në Beograd janë të shtruar 17 pacientë.
Gjithashtu, përfaqësuesit zhvilluan një takim me prindërit dhe familjarët e pacientëve, duke përcjellë mbështetjen nga shteti dhe duke i siguruar ata se institucionet mbeten të përkushtuara për ofrimin e ndihmës së duhur. Në këtë periudhë të vështirë, çdo fjalë inkurajimi dhe çdo formë mbështetjeje janë me rëndësi të jashtëzakonshme për familjet që po përballen me sfida.
🙏 Mirënjohje e madhe për ekipet mjekësore të Qendrës Ushtarake Mjekësore dhe Qendrës Klinike në Beograd për kujdesin e tyre profesional, përkushtimin, angazhimin e pashoq dhe humanizmin në trajtimin e pacientëve tanë.