Kanë zbritur rreth orës 09:00 të së premtes në Shëngjin grupi i dytë i emigranteve i ardhur nga Italia në Shqipëri.
Në Media u thanë se do vinin tetë emigrantë por në foto duken vetëm gjashtë.
Emigrantët janë Egjipti dhe Bangladeshi dhe janë kapur në ujërat italiane. Kjo është hera e dytë që anija patrulluese e marinës italiane “Libra” ka marrë rrugën drejt Shqipërisë, për të zbarkuar këtë herë në portin e Shëngjinit. Emigrantët jane kapur disa ditë më parë në jug të Lampedusës.
Anija e marinës mbërriti mëngjesin e sotëm në brigjet shqiptare dhe emigrantët pas ekzaminimeve në Shëngjin do të dërgohen në kampin e Gjadrit.
Pas vendimit të Gjykatës së Romës për ndalimin e dërgimit të emigrantëve në Shqipëri dhe kthimin e tyre në Itali, Këshilli i Ministrave në Itali ka miratuar një dekret ligjor për këtë çështje.