Zemaj: Përgjegjësia e madhe politike dhe morale bie mbi Lëvizjen Vetëvendosje

Deputeti i LDK-së Armend Zemaj, tha se LDK e mbështet propozimin për qeveri kalimtare, duke paralajmëruar se së shpejti do të dalin me pika konkrete, raporton Ekonomia Online.

“Përgjegjësia e madhe ta quaj politike dhe morale bie mbi Lëvizjen Vetëvendosje, e cila as nuk dëshiron që të gjej një zgjidhje e as nuk ofron një zgjidhje, por vazhdon me kryeneçësinë politike. Sa ma shpejt të kemi konstituimin e Kuvendit, t’i kemi institucionet e reja. LDK e mbështet propozimin për qeveri kalimtare. Do të dalim me pika konkrete dhe ky është kapaciteti ynë dhe fuqia politike”, tha ai.