U hodh sot në Presidencë shorti për zgjedhjen e anëtarëve të Këshillit të Emërimeve në Drejtësi që do të funksionojë përgjatë vitit 2026.
Kryetari i Komisionit të Emërimeve në Drejtësi është zgjedhur Ilir Panda, pasi sipas ligjit kryetari i KED është anëtari përfaqësues i Gjykatës së Lartë.
Anëtarët e KED nga Gjykata Kushtetuese u zgjodhën Fiona Papajorgji, Marjana Semini, Gent Ibrahimi anëtar zëvendësues nga Kushtetuesja.
Nga Gjykata e Lartë Ilir Pandën do ta zëvendësojë Medi Bici.
Anëtar nga Prokuroria e Përgjithshme u zgjodh Alfred Progonati, ndërsa zëvendësues Anila Leka.
Anëtarë të KED nga Gjykatat e Apelit, Ornela Naqellari, Ilirjana Olldashi, ndërsa Selvie Gjoçaj, anëtar zëvendësues.
Sa i përket anëtarëve nga Prokuroria e Apelit të juridiksionet të përgjithshëm u zgjodhën Altin Binaj dhe Afërdita Ndoji, ndërsa zëvendësues Arben Qosja.
Anëtarja e nëntë, e zgjedhur nga Gjykatat Administrative në Këshillin e Emërimeve në Drejtësi nga 1 janari deri më 31 dhjetor 2026, do të jetë Klodiana Veizi dhe zëvendësues Bezart Kaçkini.
Këshilli i Emërimeve në Drejtësi është organ i ri kushtetues, kolegjial, i cili është krijuar me hyrjen në fuqi të ndryshimeve në Kushtetutën e Republikës së Shqipërisë, të ndodhura me miratimin në vitin 2016 të paketës legjislative të reformës në drejtësi.