Grace Richardson, studentja 20 -vjeçare, është krenare që është Miss Anglia dhe është lezbike. Studentja 20-vjeçare është gruaja e parë që e ka deklaruar hapur homoseksualitetin që fiton titullin. Të premten, më 21 nëntor, Richardson u kurorëzua Miss Anglia në Wolverhampton, një konkurs në të cilin mori pjesë për herë të dytë, duke i thënë BBC-së se kishte “realizuar ëndrrën e saj”.
Grace tha se gjatë viteve të shkollës ishte ngacmuar sistematikisht për shkak të seksualitetit të saj. Siç tha ajo: “Isha 15 vjeç kur fola hapur. Ishte menjëherë pas koronavirusit dhe shokët e mi të klasës në shkollë nuk ishin aspak të sjellshëm me mua, gjë që padyshim ndikoi në shëndetin tim mendor” Në të njëjtën kohë, ajo tha se është krenare që i injoroi komentet negative që mori nga vitet e adoleshencës.
Sa i përket kritikave negative që mori, ajo tha: “Më ngacmuan për shumë gjëra, se isha shumë e dobët, shumë e shkurtër dhe më pas shumë e gjatë. Pothuajse çdo gjë që bëra ishte e gabuar.”
Ajo theksoi gjithashtu se sot ndien se më në fund mund të përballet me atë që kaloi: “Është mirë që tani mund të them ‘shiko çfarë kam arritur’. Injorova të gjithë negativitetin që më u hodh dhe më në fund arrita t’i bëj ëndrrat e mia realitet .”