Spiropali në Odesa, merr pjesë në Samitin “Evropë Juglindore – Ukrainë”

Kryetarja e Kuvendit, Elisa Spiropali, po merr pjesë në Samitin “Evropë Juglindore – Ukrainë” , i cili zhvillohet sot, në 11 qershor, në Odesa.

Në Samit marrin pjesë Presidentë, Kryeministra dhe Kryetarë Parlamentesh nga vendet e Europës Juglindore si edhe autoritetet e larta shtetërore të Ukrainës.

Spiropali ndau në rrjete sociale një fotografi me ambasadorin shqiptar në Ukrainë, Ernal Filo, në kufirin Moldavi–Ukrainë, rrugës për në Samitin Ukrainë–Evropa Juglindore, në Odesa.