Shkup, 30 korrik – Helikopteri zjarrfikës “Blek Hok”, i cili është i përfshirë në shuarjen e zjarrit në malin Goten, është i pajisur me të ashtuquajturat “bomba” me një kapacitet prej 3,410 litrash ujë, gjë që lejon shuarjen efektive të zjarrit nga ajri.
Një pjesë e ekuipazhit që mbërriti në vend, siç ka informuar Ambasada e Çekisë, janë tre pjesëtarë të Shërbimit zjarrfikës çek dhe katër pilotë dhe teknikë.
“Mbërritja e helikopterit përfaqëson një akt të rëndësishëm solidariteti ndërkombëtar dhe bashkëpunimi praktik në menaxhimin e emergjencave”, informuan nga Ambasada e Çekisë.
Nga Drejtoria për Mbrojtje dhe Shpëtim informuan se ekuipazhi në mëngjes pati brifing me Aviacionin VING në të cilin u përcaktua se burimi më i përshtatshëm për mbushje me ujë është liqeni artificial Turia i cili është rreth dhjetë kilometra në distancë ajrore nga zjarri.