Mexhiti: Po vendosim kontejnerë nëntokësor në të gjithë Çairin

Shkup, 6 gusht – Ministri i Mjedisit Jetësor dhe Planifikimit Hapësinor, njëherë edhe kandidat për kryetar të komunës së Çairit, Izet Mexhiti ka njoftuar se i gjithë Çairi do të pajiset me kontejnerë nëntokësorë, përcjell TV21. Mexhiti tha se projekti do të nisë nga Çarshia e Vjetër.

“Katër janë ekzistues në Çair, edhe nëntë tjera ka gjasa me i nis në shtator. Komplet ë Çair, ku ka lokacione për kontejnerë, me i fut kontejnerët ndër tokë. Ne duam ta japim kontributin, ajo që na takon neve. Por të gjithë kontejnerët t’i bëjmë edhe në rrugë dhe rrugica që janë në kompetenca tona, edhe në rrugët kryesore, edhe në Çarshi. Dmth të jenë të gjithë ndër tokë”, tha Mexhiti.