Moti sot me diell dhe vranësira të pakta, temperaturat deri në 29°C

Sipas parashikimeve meteorologjike, vendi ynë sot do të karakterizohet nga mot i qëndrueshëm, tipik për këtë periudhë të vitit. Atmosfera pritet të mbetet kryesisht e kthjellët, me diell dhe vranësira të pakta në pjesë të caktuara të ditës.

Temperaturat minimale do të lëvizin ndërmjet 8 dhe 11 gradë Celsius, ndërsa ato maksimale parashihen të arrijnë mes 25 dhe 29 gradë Celsius.

Era do të fryjë nga drejtimi i veriperëndimit, me intensitet të lehtë deri mesatar.