324
Beograd, 3 tetor – Kryetari i Lëvizjes Kombëtare të Serbisë, Miroslav Aleksiq, njoftoi se Marta Arsovska-Tomovska, ish-ministre në qeverinë e Nikola Gruevskit, është emëruar komisionere e panairit të specializuar EXPO 2027 në Serbi.
Arsovska-Tomovska ka qenë ministre e Shoqërisë Informatike dhe Administratës në vitet 2016 dhe 2017, dy vitet e fundit të qeverisjes së Gruevskit, ndërsa më pas u shpërngul në Serbi dhe u bë këshilltare në kabinetin e ish-kryeministres së Serbisë, Ana Bërnabiq.