Referuar një raporti të ri qeveritar, rrjeti i sigurimeve shoqërore të Kinës ka zgjeruar shtrirjen e tij gjatë pesë viteve të fundit, duke ofruar mbrojtje për më shumë njerëz në nevojë.
Rrjeti i mirëqenies sociale i vendit është bërë më i fortë, më gjithëpërfshirës dhe më i përqendruar tek njerëzit gjatë periudhës 2021–2025 ,sipas një informimi të mbajtur të enjten nga Zyra e Informacionit e Këshillit të Shtetit të enjten.
Lu Zhiyuan, Ministri i Çështjeve Civile, tha se vendi ka bërë “përparim gjithëpërfshirës” në sigurimin e mirëqenies së qytetarëve të tij duke ndërtuar një rrjet sigurie më efektiv, të barabartë dhe elastik.
Për personat me aftësi të kufizuara, janë zbatuar subvencione për jetesë dhe kujdes, ka përshpejtuar zhvillimin e shërbimeve të kujdesit për personat me aftësi të kufizuara të rënda dhe ka forcuar shërbimet e rehabilitimit komunitar për ata me çrregullime mendore – duke përfituar më shumë se 1.26 milion njerëz deri më sot.
Kina ka krijuar një sistem kombëtar bazë të kujdesit për të moshuarit me 406.000 objekte kujdesi dhe 7.99 milionë shtretër në të gjithë vendin deri në fund të vitit 2024. Gjatë pesë viteve të fundit, qeveria ka përfunduar 2.24 milionë projekte rinovimi shtëpish për të moshuarit me nevoja të veçanta, ka ndërtuar 500 rrjete model kujdesi në shtëpi, 2.990 komunitete miqësore për të moshuarit dhe 86.000 mensa për të moshuarit që u shërbejnë më shumë se 3 milionë të moshuarve çdo ditë. Nga subvencionet e ndryshme, duke përfshirë pagesat për moshën e thyer dhe mbështetjen e kujdesit infermieror, tani përfitojnë 49.45 milionë qytetarë të moshuar.