Gjykata e Koçanit e hodhi poshtë ankesën e Prokurorisë, inspektorët e DAP-it mbeten në arrest shtëpiak

Shkup, 24 nëntor – Gjykata e Koçanit hodhi poshtë ankesën e Prokurorisë, e cila kërkoi paraburgim efektiv në vend të arrestit shtëpiak për inspektorët e DAP-it, Dragan Paunov dhe Dule Dimitriev, të dyshuar për ryshfet para tragjedisë në diskotekën Pulse.

Ankesat e prokurorisë dhe të dyshuarve u shqyrtuan brenda 48 orëve, por momenti i saktë i vendimit mbeti i pasigurt.

Inspektorët e DAP dyshohen për marrje ryshfeti dhe dhënie informacioni djalit të pronarit të diskotekës “Pulse” në lidhje me kontrollet e paparalajmëruara.

Avokati i Paunov deklaroi se sipas praktikës së mëparshme gjyqësore, akte të tilla zakonisht nuk sanksionohen me arrest shtëpiak, dhe veçanërisht jo me burgim efektiv.