Shkup, 25 tetor – Në organizim të Ministrisë së Ekonomisë dhe Punës, Këshillit të Sigurisë dhe Shëndetit në Punë dhe Zyrës së fondacionit “Fridrih Ebert” në Shkup sot do të shënohet Java Evropiane e Sigurisë dhe Shëndetit në Punë.
Siç informojnë nga Ministria e Ekonomisë dhe Punës, në shënimin e Javës Evropiane të Punës dhe Sigurisë në Punë do të mbajnë fjalim ministri i Ekonomisë dhe Punës, Besar Durmishi, kryetarja e Këshillit të SSHP-së, Jasmina Çaloska, menaxheri i programit të Fondacionit FES, Valon Sadiki, koordinatori kombëtar i Organizatës Ndërkombëtare të Punës, Emil Kërstanovski, kryetari i LSM-së, Sllobodan Trendafilov dhe kryetarja e OPM-së, Vlladanka Trajkovska.
Në ngjarje do të ndahet Çmimi Kombëtarë për kompaninë me sistemin më të mirë të implementuar për SSHP – 2024.