Shkup, 7 nëntor – Zëvendësministri i Punëve të Brendshme Astrit Iseni sot mbajti fjalim në hapjen e projektit, “Forcimi i kapaciteteve institucionale në përballjen me krimin kundër trashëgimisë kulturore dhe krimit mjedisor” – IPA 2021.
Siç bëri të ditur MPB, qëllimi i përgjithshëm i këtij projekti po forcon kapacitetet institucionale për mbrojtjen e mjedisit dhe trashëgimisë kulturore me fokus të veçantë krimet kundër trashëgimisë kulturore dhe mjedisit.
Iseni theksoi se pasuritë kulturore shpesh janë subjekt i krimit, duke përfshirë grabitje, vjedhje dhe trafikim njerëzor.
“Për mbrojtjen efektive të trashëgimisë kulturore nga tregtia e paligjshme, nevojitet një kornizë e shëndoshë legjislative, bashkëpunim ndërkombëtar dhe një bazë solide e provave dhe projekte të mirëfillta,” theksoi zëvendësministri Iseni.
Ashtu si krimi kundër trashëgimisë kulturore dhe krimi mjedisor shkakton dëme të konsiderueshme në mjedisin, shëndetin e qytetarëve dhe ekonominë në botë.
Siç theksoi, sipas të dhënave të fundit, krimi mjedisor është aktiviteti i katërt më i madh i krimit të organizuar. Si pasojë e këtij lloji të krimit, në nivel global humben nga 80 deri në 230 miliardë euro në vit.
“Me ndihmën financiare të Bashkimit Evropian u sigurua një mbështetje e konsiderueshme në zbatimin e reformave. Zëvendësministri Iseni theksoi se është kënaqësi e madhe për të që sot shënon fillimin e realizimit të aktiviteteve në kuadër të këtij projekti. Në këtë pjesë ai falënderoi karabinierët italianë për përkushtimin e tyre dhe iu uroi suksese në punën e tyre të ardhshme. Zëvendësministri Iseni në fund të fjalës së tij falënderoi Bashkimin Evropian dhe shprehu bindjen se Ministria e Punëve të Brendshme në bashkëpunim me institucionet tjera do të vazhdojë të punojë në të njëjtin drejtim dhe me të njëjtin intensitet për arritjen standardeve evropiane”, qëndron në kumtesën e MPB-së.