Shkup, 30 dhjetor – Ali Ahmeti, ky ogurzi i shqiptarëve sot paturpësisht para mediave duke tentuar të mbrojë “bedelin” e tij, Artan Grubin, me gojën e tij e tha se VMRO-DPMNE e din që ligjet e vendit para disa viteve janë përdorur kundër tyre. Prandaj ai deklaroi se duhet të vendoset drejtësia. Por harroi se partia e tij ishte bashkëqeverisese pikërisht para disa viteve, prandaj për çdo mangësi në çdo fushë sidomos këtë të drejtësisë kjo i faturohet edhe BDI-së. E pikërisht kjo parti BDI është e mbushur me njerëz të listave të zeza, padi, fletarreste ndërkombëtare, marrje të pasaportave, e kjo po ndodhë për ata që kanë vjedhur parat e qytetarëve.
Ahmeti në vend se t’i bëjë thirrje Grubit për të dalë para Drejtësisë, ai tenton ta amnistoj duke relativizuar situatën në të cilën gjendet Grubi. Pyesim Ahmetin se kur thotë që ligjet janë përdorur kundër Gruevskit dhe Mijallkovit a do të thotë se ai ka ndërhyrë në sistemin e Drejtësisë?
VLEN bën të ditur se drejtësia do të vlej njëjtë për të gjithë dhe nuk do të ketë drejtësi selektive. Të gjithë keqpërdoruesit e buxhetit të shtetit do të trajtohen pa dallime, askush mbi ligjin. Koalicioni VLEN janë mbrojtësit e shërbyesit e shqiptarëve. VLEN garanton se do të ketë drejtësi dhe mirëqenie për të gjithë pa dallim.