Bruksel, 13 shkurt – Vendi ynë mbetet i përkushtuar në synimin që vazhdimisht të investojë dy për qind të PBB-së në mbrojtje, që e ka pozicionuar në mesin e dy të tretave të vendeve aleate që e kanë përmbushur këtë synim të përbashkët të NATO-s, tha ministri i Mbrojtjes Vllado Misajllovski në fjalimin në takimin e sotëm të Këshillit të Atlantikut të Veriut në Bruksel.
Misajllovski dha mbështetje të plotë edhe për forcimin e konceptit të mbrojtjes dhe parandalimit të NATO-s, përmes përmbushjes së qëllimeve të përcaktuara të aftësisë dhe investimeve të vazhdueshme në modernizim dhe pajisje.
Ai theksoi se për këtë qëllim janë ndarë mbi 32 për qind nga buxheti i mbrojtjes së Maqedonisë për vitin 2025, ose mbi 106 milionë euro, duke shtuar se NATO duhet të vazhdojë të punojë së bashku me Bashkimin Evropian në zhvillimin e kapaciteteve mbrojtëse, si dhe iu referua kontributit të Maqedonisë në mbrojtjen kolektive të Aleancës.
Misajlovski njëherit ka uruar edhe Pit Hegset për marrjen e funksionit të Sekretarit të Mbrojtjes së SHBA-së.
Pasdite Misajlovski do të marrë pjesë edhe në takimin joformal të Këshillit NATO-Ukrainë në formë drekë pune, ku do të marrin pjesë edhe ministri ukrainas i Mbrojtjes Rustem Umerov dhe përfaqësuesja e lartë e BE-së për Punë të Jashtme dhe Politikë Mbrojtëse Kaja Kallasi, ku do të bisedojmë se çfarë mund të bëjë më shumë Aleanca për të mbështetur Kievin në përballjen e pushtimit rus.