Shkup, 11 maj – Më shumë se 20 vite, Ali Ahmeti ishte në pushtet duke promovuar ndasi etnike, papërgjegjësi dhe kaos institucional. Sipas partisë Lidhja Demokratike me në krye me Pavlle Trajanov (DS), “bdizmi” dhe kriminalizimi i shtetit nuk kanë të bëjnë fare me të drejtat e shqiptarëve, por janë pjesë e një strategjie të rafinuar për të sunduar, çarmatosur dhe shkatërruar shtetin. Prandaj, sipas LD, kërcënimet (si ato të fundit në Strugë) për destabilizim dhe protesta në pjesë të tjera të Maqedonisë do t’i kthehen mbrapsht. “Ahmeti do të jetë gjatë në opozitë. Qytetarët janë të vetëdijshëm, përfshirë edhe shqiptarët, se grabitja nga pushteti ka qenë një biletë vetëm në një drejtim – largimin masiv të të rinjve nga vendi,” thuhet në deklaratën e partisë.
Nga LD theksojnë se, pavarësisht gjithçkaje, shteti duhet të veprojë në mënyrë parandaluese, siç veprojnë të gjitha shtetet demokratike.
“Duhet të nisin procedura për të ndalur veprimet e çmendura, destruktive dhe antikushtetuese. Të drejtat gjuhësore, institucionale, etnike apo fetare të shqiptarëve nuk janë të rrezikuara, por po dridhet toka nën këmbët e një epërsie politike që për më shumë se 20 vjet e ka plaçkitur popullin e vet. Kërcënimet, dhuna dhe terrorizmi nuk mund të jenë platformë për rikthim në pushtet – ai film ka kaluar dhe nuk do të përsëritet. Vetëm sundimi i ligjit, zhvillimi ekonomik dhe zbatimi i vlerave evropiane janë garanci për paqe, stabilitet dhe mirëqenie,” thekson Lidhja Demokratike.