Dritan Abazoviç, ish-kryeministër i Malit të Zi, është pritur në një takim nga kryeministri Edi Rama në studion e tij të punës.
Ka qenë vetë ish-kryeministri malazez që pas takimit ka ndarë edhe foto në faqen e tij zyrtare në Instagram, duke e shoqëruar me një postim dy-gjuhësh, në shqip dhe gjuhën malazeze. Ai ka ndarë foto nga studioja ku kryeministri realizon pasionin e tij për skulpturën. Sipas Abazoviç, kryeministri Rama është padyshim një nga njerëzit më origjinalë në skenën politike botërore.
Postimi i plotë
Pas takimit me partnerët tanë amerikanë, vizitova mikun tim Edi Rama në studion e tij. Në një ambient të pazakontë folëm gjatë për politikën, rajonin, por edhe për artin që krijon pa u lodhur sa herë si ka kohë të lirë.
Menjëherë u bë e qartë për mua se ai kaloi nga pikturat e tij të famshme në krijimin e skulpturave, të cilat i bën duke përdorur një teknikë të veçantë.
Ai në sfond, siç e quajta me shaka “Kali i torturuar ballkanik”, mund të përfundojë së shpejti në Mal të Zi. Edi është padyshim një nga njerëzit më origjinalë në skenën politike botërore.