Aksident në Vlorë, makina del nga rruga dhe përplaset me barrierat mbrojtëse, lëndohet rëndë i riu

Një tjetër aksident ka ndodhur mbrëmjen e sotme në Vlorë.

Konkretisht, në aksin e vjetër Vlorë-Fier, një mjet ka dalë nga rruga dhe është përplasur me barrierat mbrojtëse.

Nga përplasja e fortë, barriera ka depërtuar brenda në mjet, duke lënë të lënduar rëndë njërin prej tre të rinjve që udhëtonin me Porsche.

I lënduari është transportuar në spital, ku po merr ndihmën mjekësore.

Policia ndodhet në vendngjarje dhe po punon për sqarimin e rrethanave të aksidentit.