Aksion policorë në Haraçinë, Hasanbeg e Çair, ndalohen 12 persona

Shkup, 10 dhjetor – Sot në mëngjes policia ka kryer një aksion të koordinuar dhe kontrolle në disa lokacione në Haraçinë, Mojancë, Hasanbeg, Çair, Brez dhe Luboten, me qëllim parandalimin e trafikimit të paligjshëm të armëve.

Sipas informacioneve jozyrtare, gjatë kontrolleve janë gjetur tre pushkë automatike, dy pistoleta, një sasi e madhe municioni të kalibrave të ndryshëm, si dhe pesë automjete motorike dhe disa telefona celularë, të cilët janë konfiskuar për hetime të mëtejshme.