Albrim Hoxha i drejtohet Taravarit: A të thashë kryetar se Salimi nuk shkon në BDI?

Strugë, 18 maj – Pas dorëheqjes të Salim Sulejmanit nga të gjitha postet e Aleancës për Shqiptarët, si dhe deputet, komenton Albrim Hoxha nga Struga, transmeton Zhurnal

“Kur propozuam Salimin për deputet, kryetari i partisë e kishte me merak se si prurje e re në parti, nuk e njihte dhe kërkonte garanca se “nuk na ik tek BDI-ja”. Ishte fillimi i muajit Mars, vitin e kaluar në një lokal në Gostivar.

Kryetar të garantoj me çka kam se Salim Sulejmani nuk lëviz, nuk e shkel fjalën që na e ka dhënë. As nuk vjen në shprehje BDI-ja – ia thashë për ta qetësuar. Kujt ia merrte mendja se pas një viti do të tentohej që krejt partinë ta çojmë tek BDI-ja!”, ka shkruar Hoxha