Arbër Ademi: Procesi i zgjedhjeve ka kaluar në mënyrë të qetë dhe pa incidente

Shkup, 8 maj – Pas përfundimit të procesit të votimit, Arbër Ademi nga Fronti Evropian tha se procesi i zgjedhjeve ka kaluar në mënyrë të qetë dhe pa incidente.

Ai ka falënderuar çdo votues që ka votuar për ta dhe ka dënuar opozitën e cila sipas tij, me propagandë dhe lajme të rrejshme ka dashur të mbjellë frikë tek votuesit gjatë ditës së sotme.

“Fronti Evropian sonte do të jetë dëshmitarë i fitores historike, e cila do ta vulos të ardhmen evropiane të vendit, kthim prapa nuk do të ketë ngase vullneti i qytetarëve është parasegjithash.

Fronti Evropian do të mbetet besnik i vullnetit të votuesit. Fitorja sonte është e jona, e atyre që i thanë Jo Rusisë dhe Po Evropës”, tha Arbër Ademi.