218
Shkup, 16 qershor – Bashkimi Demokratik për Integrim sot përmes një reagimi ka dënuar cënimin e lirisë së mediave dhe kërcënimet ndaj punonjësve të mediave e në këtë rast kërcënimin ndaj gazetarit Nevrij Ademi.
Bashkimi Demokratik për Integrim dënon ashpër çdo cenim të lirisë së medias dhe kërcënimet serioze ndaj gazetarit Nevrij Ademi, që raportimet e deritanishme i lidhin me persona të afërt me pushtetin.
Çdo përpjekje për të ushtruar presion mbi gazetarët dhe mediat është një sulm i drejtpërdrejtë ndaj vlerave demokratike dhe nuk ka vend në shoqërinë tonë.
BDI kërkon që organet kompetente të veprojnë menjëherë, të ndalin dhe ndëshkojnë autorët e këtyre veprimeve. Çdo neglizhencë institucionale e bën sistemin bashkëpërgjegjës.