BE: Mandati i Lajçakut deri në fund të janarit, jemi duke përzgjedhur pasuesin e tij

Zëdhënësja e BE-së, Anitta Hipper, në një përgjigje për rtv21 ka thënë se Bashkimi Evropian është në proces të përzgjedhjes së pasuesit të Miroslav Lajçakut, që deri në fund të janarit do të mbajë postin e të dërguarit për dialogun Kosovë-Serbi.

“Mandati i të dërguarit të BE-së, Miroslav Lajçak, mbetet në fuqi deri në fund të janarit. Procesi i përzgjedhjes së pasuesit të tij aktualisht është duke u zhvilluar dhe ne do të ofrojmë përditësime në kohën e duhur” tha Hipper.