Shkup, 4 dhjetor – Kryetari i Komunës së Tetovës, Bilall Kasami, ka zhvilluar një takim pune me përfaqësuesit e Organizatës Ndërkombëtare për Migracion (IOM), në kuadër të programeve që kjo organizatë realizon për riintegrimin e shtetasve të Maqedonisë së Veriut të kthyer nga vendet e Bashkimit Evropian.
Gjatë takimit u diskutua situata aktuale në terren, nevojat e qytetarëve të rikthyer dhe mundësitë për thellimin e bashkëpunimit lokal përmes projekteve të përbashkëta. IOM prezantoi programet e saj mbështetëse, të cilat synojnë lehtësimin e procesit të riintegrimit dhe fuqizimin ekonomik dhe social të personave të kthyer.
Komuna e Tetovës theksoi se mbetet plotësisht e hapur për bashkëpunime të këtij lloji, që sjellin përfitime konkrete për qytetarët, rrisin kapacitetet lokale dhe kontribuojnë në integrimin e suksesshëm të të rikthyerve në shoqëri.
