Blerim Bexheti s’do të jetë më koordinator i GP të BDI-së: U tërhoqëm, nuk na shkarkuan! Do të jem aktiv në BDI

Shkup, 4 nëntor – Blerim Bexheti nga BDI për TV21 ka konfirmuar se nuk do të jetë më koordinator i grupit parlamentar të BDI-së dhe ky ndryshim, siç sqaron ai, është bërë pasi ai vetë është larguar nga kjo pozitë.

I pyetur se pse u largua, a e sheh veten përgjegjës për rezultatin e dobët në Saraj, Bexheti tha se ky vendim vjen ngaqë u japin hapësirë figurave të reja dhe se ai do të vazhdojë të jetë aktiv në BDI.