Bllokohet nga bora qarkullimi në Rrugën e Arbrit

Reshjet e denduar të dëborës kanë bllokuar prej disa orësh by pass-in e Murrizit në Rrugën e Arbrit. Janë me dhjetëra mjete autovetura dhe furgonë pasagjerësh, të bllokuara nga reshjet intensive. Policia e Dibrës ka ngritur pika kontrolli në rrethrrotullimin e Klosit duke e devijuar qarkullimin nga aksi i vjetër, Klos-Burrel-Milot.

Në aksin rrugor Tamarë-Vermosh dhe Bogë-Qafë Thorë, borëpastrueset janë në terren.

Reshjet e dëborës kanë përfshirë gjatë mbrëmjes edhe juglindjen, megjithatë akset nacionale që lidhin Korçën me Kapshticën, Pogradecin,Qafë Thanën dhe Ersekën e Leskovikun qarkullohen pa vështirësi.