187
Shkup, 24 dhjetor – Zëvendëskryetari i Komunës së Tetovës, Albi Qamili, ka njoftuar përmes një postimi në rrjetet sociale se projekti i bulevardit VS Bato në Poroj po hyn në fazën e realizimit.
“Bulevardi VS Bato në Poroj po bëhet realitet 🫶. Punë e madhe për Porojin, Xhepçishtin dhe fshatrat e komunës së Tearcës. Vazhdojmë kështu, në çdo lagje dhe në çdo cep, t’i realizojmë premtimet e bëra në fushatë!”, ka shkruar Qamili mbi videon e publikuar.
Ky projekt infrastrukturor pritet të ketë rëndësi të veçantë për banorët e zonës, duke përmirësuar lidhjen rrugore dhe zhvillimin lokal. Poroji është vendlindja e Albi Qamilit, çka e bën këtë investim në të njejtën kohë edhe realizim të premtimit para bashkëvendasve të tij.