Deputetja e PDK-së: 10 pjesëtarë të FSK-së dhanë dorëheqje gjatë muajit tetor

Deputetja e Partisë Demokratike të Kosovës, Ariana Musliu-Shoshi ka shprehur shqetësimin e saj për dorëheqjet brenda Forcës së Sigurisë së Kosovës (FSK).

Në seancën e sotme të Kuvendit të Kosovës, ajo u shpreh se vetëm në muajin tetor kanë dhënë dorëheqje dhjetë pjesëtarë të FSK-së.

“Dhjetë pjesëtarë të Forcës së Sigurisë së Kosovës, kanë dhënë dorëheqje nga FSK-ja vetëm në muajin tetor. Pra merreni mend, dhjetë pjesëtarë të FSK-së. Ja ku e keni sjellë vendin”, tha ajo.

Ajo theksoi se këto dorëheqje janë një shenjë e qartë e vështirësive me të cilat po përballen institucionet e vendit, veçanërisht në fushën e sigurisë.