Deri të martën mot me vranësira, me të reshura të përkohsme të shiut, ndërsa në male borë

Shkup, 17 prill – Nën ndikimin e serisë së valëve të lagështa, deri në fillim të javës së ardhshme, moti do të jetë i ndryshueshëm, në disa vende me të reshura të përkohshme të shiut, kumtoi DPHM.

Të premten të reshura të mëdha priten në pjesët jugore, ndërsa të dielën në disa vende. Për shkak të uljes së masës më të ftohtë ajrore në malet, të reshurat përkohësisht do të jenë të borës dhe në vendet më të larta dhe në male do të formohet shtresë e re e borës.

Temperaturat e mëngjesit do të jenë në interval prej minus një deri tetë, ndërsa ato maksimale do të arrijnë deri 20 gradë Celsius.