Dimitrievski nesër në Prokurori për “27 prillin”

Shkup, 23 janar – Kryetari i Kumanovës dhe kryetar i Lëvizjes “Znam” Maksim Dimitrievski nesër do të paraqitet në Prokurori për ngjarjet e “27 prillit”. Këtë e bëri të ditur Dimitrievski në emisionin Click Plus.

“Nesër jam thirrur për pyetje në Prokurori për këtë çështje pas 6-7 vitesh. Historia do të tregojë se kush kishte të drejtë, por fakti është se ka pasur vepra të rënda të kryera nga individë. Pjesa tjetër ishin pjesëmarrës në një turmë, jo terroristë. Në fund të fundit, nuk duhet të komentoj një vendim gjykate”, tha Maksim Dimitrievski.